Чӑвашлӑх тĕнчи

Çеçпĕл Мишши ячĕллĕ музейра

Аслă Вĕрентекен ячĕ – халăхра» ятлă конкурс

Мухтавлă ентешсене халалланă конкрс


Семинар иртрĕ

Юпа уйăхĕн 26-мĕшĕнче Чăваш Республикин вĕренÿ институчĕ тăван чĕлхене
вĕрентес, аталантарас тата упраса хăварас тĕллевпе тĕнче шайĕнче семинар
ирттерчĕ. Семинара кĕретсĕр майпа хастар ĕçлекн вĕрентекенсем хутшăнчĕç.
Шкулти вĕренÿ программине тăван чĕлхепе тата культурăпа çыхăннă предмет
сехечĕсене Федерацин Патшалăх вĕренÿ стандартне пăханса кĕртмелли
çинчен калаçрĕç, çĕнĕ технологисемпе мелсем çинчен сÿтсе яврĕç. Семинар
пуриншĕн те усăллă иртрĕ.



Ҫеҫпӗл Мишши ячӗллӗ музейра
Юпа уйӑхӗн 25-мӗшӗнче 9-мӗш класра вӗренекенсем (ертӳҫи Павлова М.М.) Ҫеҫпӗл Мишши ячӗллӗ музейра пулса курчӗҫ. Кунта ачасем кӑвӑр чӗреллӗ поэтӑн кун-ҫулӗпе паллашрӗҫ. Экскурсовод музейри экспонатсемпе паллаштарчӗ, Ҫеҫпӗл Мишшин сӑввисене вуласа пӑчӗ. Уйрӑмах вӗренекенсене Ҫеҫпӗл ҫырӑвӗсем кӑсӑклантарчӗҫ. Музейра пурне те килӗшрӗ.
#Сош50Чеб #ШколыгородаЧ

И.Я. Яковлев калавӗсем

Ака уйӑхӗн 21-мӗшӗнче Григорьева О.В. 1-мӗш класс ачисемпе урокра И.Я. Яковлев пурнӑҫӗпе  ӗҫӗ-хӗлӗ ҫинчен калаҫу ирттерчӗ. Урокра ачасем тӗрлӗ ыйтусем ҫине хуравларӗҫ. Кам вӑл И.Я. Яковлев? Ӑҫта пурӑннӑ? Мӗншӗн чӑваш халӑхӗ Иван Яковлева асра тытать? Чӑваш чӗлхи кунне хӑҫан ирттерни те ачасене кӑсӑклантарчӗ. Вӗсем Иван Яковлевӑн калавӗсене тишкерсе ӳкерчӗксем хатӗрлӗрӗҫ. Урок тухӑҫлӑ иртрӗ. 

Чăваш çĕр-шывне пĕлетĕн-и?

Ака уйăхĕн 21-мĕшĕнче чăваш чĕлхипе литератури вĕрентекенĕ Павлова М.М. 8-мĕш класс ачисемпе  ушкăнсем çине пайланса «Чăваш çĕр-шывне пĕлетĕн-и?» ятлă  мероприяти ирттерчĕ.  Чăваш чунлă хастарсем  Тăван çĕр-шыв, Чăваш Республики, чăваш халăхĕ, чĕлхипе культури çинчен мĕн пĕлнине аса илсе çирĕплетрĕç. Ушкăнсене пайлани кашни ачанах ĕçе явăçтарчĕ.  Уява Иван Яковлевăн  «Тăван чĕлхесĕр чăн-чăн пĕлÿ çук» сăмахĕсемпе вĕçлерĕç.

Чăваш чĕлхи эрни пуçланчĕ

Кашни çулах ака уйăхĕн 25-мĕшĕнче Чăваш чĕлхи кунне паллă тăватпăр. Çак уяв Иван Яковлевич Яковлев ҫуралнӑ кунĕпе тÿр килет. Чăваш просветителĕн пархатарлă ĕçĕсене асра тытса  аслă классенче вĕренекенсем  Иван Яковлев пурнăçĕпе ĕçĕ-хĕлĕн паллă пулăмĕсем çинчен стена хаçачĕ кăларчĕç. Кĕçĕн класра вĕренекенсем çуркунне çинчен ÿкерчĕксен выставки йĕркелерĕç.  Ачасен ĕçĕсемпе пурте кăмăллă пулчĕç.

Ака уйăхĕн 21-мĕшĕнче 7в класра Павлова М.М. уçă урок ирттерчĕ. Урок «Вĕçен кайăксем – пирĕн ачалăх тусĕсем» темăпа иртрĕ. Ачасем вĕçен кайăксем çинчен дидактика ĕçĕсемпе усă курса туллин каласа пачĕç. Вĕрентекен ачасемпе ырă кăмăлпа ĕçлении палăрса тăчĕ.





 4д класс ачисемпе шкул библиотекинче" Иван Яковлевич Яковлев - вĕрентекен " урок викторина иртрĕ. Ачасем тĕрлĕ ыйтусем çине хуравларĕç. И.Я.Яковлев кам пулнă? Вăл ăçта пурăннă? Мĕншĕн чăваш халăхĕ И.Я.Яковлева асра тытать ? Халал сăмахĕ пире мĕнле пулма вĕрентет? Ачасем тĕрĕс хурав пама тăрăшрĕç, çĕннине те нумай пĕлчĕç. И.Я.Яковлев калавĕсене илемлĕ вуласа савăнтарчĕç.





      Ака уйăхĕн 22-мĕшĕнче 2- мĕш класс вĕренекенĕсемпе И.Я. Яковлев пурнăçĕпе тата ĕçĕсемпе  паллашрăмăр. Иван Яковлевич Яковлев - вĕрентекен. Вăл Чĕмпĕрте пурăннă. Унта чăваш шкулне уçнă. И.Я. Яковлев чăваш алфавитне тунă, букварь хатĕрленĕ. Ачасене çырма, вулама, шутлама вĕрентнĕ. Вĕсем валли калавсем çырнă.
И.Я.Яковлев - чăваш халăхне çутта кăларакан çын. Иван Яковлевич чăвашсене вĕрентнĕ, вĕсемшĕн нумай ĕçленĕ. Эпир ăна яланах асра тытатпăр. 
И.Я.Яковлев калавĕсене 2 - мĕш класс вĕренекенĕсемпе   вуласа тишкертĕмĕр. Калавсем патне ачасем илемлĕ ÿкерчĕксем хатĕрлерĕç.





Чăваш чĕлхи эрнинче эпир "Чĕвелти чĕкеç" вăйă-конкурса хутшăнакансене те саламларăмăр. Ку  конкурс ачасене питĕ килĕшет. Ыйту хуравĕсене вĕсем ашшĕ-амăшĕсемпе ,асламăшĕсемпе пĕрле кĕнекесенче, словарьсенче шыраççĕ. Ребуссем вулама вĕренеççĕ. Пирĕн шкулт   2б класс ачисем тепĕр çул та "Чĕвелти чĕкеç" вăйă-конкурса хаваспах хутшăнма кăмăл пурри çинчен пĕлтерчĕç.





Ака уйăхĕн 23-мĕшĕнче 7В класра Павлова М.М. уçă урок ирттерчĕ. Урок «Вĕçен кайăксем – пирĕн туссем» темăпа иртрĕ. Ачасем вĕçен кайăксем çинчен дидактика ĕçĕсемпе усă курса туллин каласа пачĕç. Вĕрентекен ачасемпе ырă кăмăлпа ĕçлени палăрса тăчĕ.




6-мĕш В класс вĕренекенĕсем (ертÿçи Алексеева М. В.) ака уйăхĕн 23-мĕшĕнче 60-мĕш шкулта вырнаçнă этнографи музейĕнче пулса курчĕç, чăваш халăх пурнӑҫӗпе паллашрӗҫ. Экскурси ачасене усăллă пулни куçкĕретех:


Ака уйăхĕн 23-мĕшĕнче чăваш чĕлхи эрнинче концерт иртрĕ. Концертра илемлĕ юрăсем шăранчĕç, вĕренекенсем сăвăсем вуларĕç. Куракансем артистсене кăмăлпа йышăнчĕç.


Тӑван чĕлхе… Мĕн-ши вӑл тӑван чĕлхе? Ман шутпа, тӑван чĕлхе вӑл атте-анне, асаттепе асанне чĕлхи, эпĕ çуралнӑ çуралманах калаçа пуçланӑ чӑваш чĕлхи. Тӑван чĕлхепе калаçса эпир хамӑр шухӑш-туйӑма палӑртатпӑр, чуна уçатпӑр, кӑмӑла çĕклетпĕр. Атте-анне чĕлхи мӑн асаттесемпе асаннесен пурнӑçĕ – шӑпи çинчен аса илтерсех тӑрать, хамӑр пуласлӑх пирки шухӑшлаттарать. Чӑваш чӗлхине ачасем юратса вӗренеҫҫӗ. Паян вӗсем чӑваш эрнине халаласа кроссвордсем ӱкерчӗҫ.





Чăваш чĕлхи эрнинче 5-9 классенче вĕренекенсем  И.Я. Яковлев   Ҫĕнĕ  чăваш алфавитне тунăпранпа 150 çул, «Чăваш халăхне» халала  çырнăранпа  100  çул  çитнине палăртса стена хаçачĕ кăларчĕç.